Parak na trader inutas ng tandem
NORTH COTABATO, Philippines — Patay ang isang kasapi ng Maguindanao Police matapos na pagbabarilin ng dalawang hindi pa kilalang suspek habang palabas sa kanyang bakeshop sa Brgy. Poblacion 8, bayan ng Midsayap, kamakalawa ng gabi.
Ayon kay Midsayap Chief of Police, Lt. Col. Benito Rotia, ang biktima na si P/Staff Sergeant Edward Dimpaso ay nagtamo ng maraming tama ng bala mula sa caliber 45 pistol.
Sa ulat, alas-7:45 ng gabi palabas umano si Dimpaso sa kanyang bakeshop sa Brgy. Poblacion 8 nang dumating ang dalawang suspek sakay ng motorsiklo at agad pinaputukan ang biktima. Nang makitang napuruhan ang biktima, mabilis na tumakas ang mga salarin.
Kinumpirma ni Rotia na may mining business ang biktima sa Agusan Del Sur at may perang nadispalko sa kanyang mga kasama na posibleng may kinalaman sa krimen.
- Latest
