‘Tulak’ dedo, 3 huli sa buy-bust
NUEVA ECIJA , Philippines — Patay ang isang hinihinalang drug suspect habang arestado ang tatlong iba na tulak umano ng droga sa buy-bust operations na isinagawa sa magkakahiwalay na bayan dito.
Kinilala ni Police Lt. Col. Ponciano Zafra, hepe ng Cabanatuan City Police, ang nasawi na si Patricio Azurin, alyas Patrick Azurin, nasa hustong edad ng Purok Rosal, Barangay Dicarma, ng nasabing lungsod at kabilang umano sa drug watchlist ng pulisya.
Napatay si Azurin ng mga tauhan ng Cabanatuan City Police nang manlaban umano ito bandang alas-11:30 ng gabi noong Martes sa Purok 2, Barangay Dicarma sa nasabing lungsod.
Samantala, ang mga nadakip ay sina Jeffrey Concepcion, 40, may asawa, at Fernando dela Cruz, 50, kapwa ng Brgy. San Lorenzo, Gapan City, at Jonathan Salvatiera, 26, binata ng Brgy. Kaingin, Bongabon, Nueva Ecija. Anim na plastic sachet ng umano’y shabu na nasa P250,000 ang halaga ang nasamsam sa mga naaresto.
- Latest
