Road rage: Driver todas, 2 sugatan

TUGUEGARAO CITY, Cagayan, Philippines — Napatay ang isang drayber ng trak habang sugatan ang dalawang obrero niyang sakay matapos silang ratratin ng armadong pasahero ng traysikel na kanyang natagis sa highway ng Brgy. Sta Maria, Lal-lo, Cagayan, kamakalawa.

Sa report ng pulisya, patay agad si Florante Cristobal, 48-anyos, habang sugatan sina Fely Irigayen, 40, at Fresly Oli, 42, nang pagbabarilin dakong alas-10:30 ng gabi.

Lumalabas sa imbestigasyon na binuweltahan ng traysikel na nakasalubong at natagis ni Cristobal saka hinabol at hinarang sa daan.

Agad tumakas ang berdugo na nag-iwan ng limang basyo ng bala ng cal.45 sa crime scene.

Isinugod naman sa ospital ang dalawang sugatang obrero habang inaalam sa imbestigasyon ang pagkakakilanlan ng killer.