Pulis nabagok ang ulo, patay

TUGUEGARAO CITY, Cagayan, Philippines — Isang pulis ang nasawi nang madulas at mabagok ang ulo sa sahig habang rumeresponde sa isang kaguluhang naganap sa Brgy. Patay, Sagada, Mountain Province, noong Hu­webes.

Ayon sa ulat ng pulisya, ginampanan ni P/Corporal Ashley Jeff Bagangan, nasa hustong gulang, ang kanyang tungkulin nang rumesponde upang payapain ang kaguluhang naganap sa Treasure Link Cooperative sa Brgy. Poblacion nang mangyari ang aksidente dakong alas-7:50 ng umaga.

Agad namang isinugod si Bagangan sa Saint Theodore’s Hospital ngunit nalagutan ng hininga habang nilalapatan ng lunas.