Mag-utol todas sa road crash

SANTIAGO CITY, Isabela , Philippines  —  Hindi na umabot pang buhay ang magkapatid na sina Walter Nicolas, 20; at Kylie Mae Nicolas, 15; ng Brgy. Gaddanan, San Mateo, Isabela matapos sumalpok sa isang trak ang sinasakyan nilang motorsiklo, kamakalawa ng gabi sa Bugallon Norte, Ramon sa lalawigang ito.

Kusa namang sumuko sa mga otoridad ang 57-anyos na tsuper ng Isuzu truck na si Wilson Peralta.  Sa ulat ng pulisya, dakong alas-10:25 ng gabi habang binabagtas ng motorsiklo na sinasakyan ng magkapatid ang naturang lugar pauwi sana sa kanilang bayan nang salpukin ang trak na minamaniobra ni Peralta. 

Agad namang isinugod sa pagamutan ang magkapatid na nagtamo ng mga pinsala sa iba’t-ibang bahagi ng katawan ngunit idineklarang dead-on-arrival.