Lola todas sa road mishap
CALAUAG,QUEZON , Philippines — Hindi na umabot pang buhay sa ospital ang isang lola habang nasa malubhang kalagayan ang isa pa makaraang mabangga ng motorsiklo sa Maharlika highway na sakop ng Barangay Vinas ng bayang ito, kamakalawa ng gabi.
Kinilala ng pulisya ang nasawi na si Nomia Vejerano, 73, na nagtamo ng grabeng pinsala sa ulo at katawan habang patuloy na inoobserbahan sa ospital si Estilita Deluna, 70, kapwa mga residente ng Barangay Vinas.
Ayon sa ulat, bandang alas-9:20 ng gabi ay tumatawid sa highway ang dalawang lola nang banggain sila ng isang Manila bound na Enduro motorcycle na minamaneho ni Rex Argarin, 30 ng Parañaque at naka-back ride si Myla Doma ng Victoria, Laguna.
Tumilapon ng may ilang metro ang mga biktima habang nagtamo ng mga gasgas sa katawan ang rider at backrider.
- Latest
