2 ‘tulak’ dedo sa buy-bust
NUEVA ECIJA , Philippines — Dalawang lalaki na notoryus umanong tulak ng droga ang napatay makaraang manlaban sa pulisya sa magkahiwalay na buy-bust operation, iniulat kahapon.
Sa ulat kay Police Col. Leon Victor Rosete, Nueva Ecija Police provincial commander, nakilala ang dalawang napatay na suspek na sina Godville Cabanes, ng Brgy. Aduas Sur, Cabanatuan City; at Jeffrey Marcelo, alyas Eple, 30-anyos, ng Brgy. Fatima, Cabanatuan City.
Ayon sa ulat, alas-8:40 ng gabi noong Huwebes Santo, nagsagawa ng buy-bust operation ang drug enforcement unit (DEU) ng Cabanatuan City Police sa suspek na si Marcelo. Nang magkaabutan na ng P500 marked money ay nakatunog umano ang suspek at nagpaputok ng baril sanhi ng shhotout at ikinamatay nito.
Samantala sa ulat ng Aliaga Police, napaslang ng kanilang mga tauhan ang suspek na si Cabanes sa isinagawang buy-bust operation, bandang alas-11:15 ng gabi sa Brgy. Bucot, Aliaga, Nueva Ecija matapos umanong manlaban ang backup ng pulisya.
- Latest
