Bangka lumubog: Pamilya, 3 lunod
MANILA, Philippines — Patay na nang matagpuan habang sinisiklot nang alon sa gitna ng dagat ang bangkay ng tatlong miyembro ng pamilya matapos lumubog ang kanilang sinasakyang bangka habang patungo sa Brgy. Buenavista sa bayan ng Tinambac, Camarines Sur kamakalawa ng hapon.
Kinilala ang mga nasawi na sina Rolando Quinonez, 50; misis nitong si Belen; at anak nilang si Lovely Quinonez, 9, pawang residente ng Brgy.Salvacion.
Sa ulat, dakong alas-3:00 ng hapon ay nakita ang mga biktima na sumakay ng kanilang kahoy at de-sagwan na bangka patungong Brgy. Buenavista para dumalo sa isang “Pabasa” ng kamag-anak.
Habang nasa kalagitnaan ng dagat ay sinalubong sila ng higanteng alon dahilan para tumaob ang sinasakyan nilang bangka at sila ay nalunod.
Agad rumesponde ang mga tauhan ng Emergency Management Team ng munisipyo at inabot nang ilang oras sa paghahanap hanggang sa matagpuan ang tatlong biktima na palutanglutang sa dagat malapit sa tumaob nilang bangka.
- Latest
