2 drug pusher dedo sa buy-bust
MANILA, Philippines — Dalawa umanong tulak ng droga ang nasawi nang ito ay manlaban umano sa magkahiwalay na drug buy-bust operations sa bayan ng Cabiao at Cabanatuan City, kamakalawa ng gabi.
Ang mga nasawing suspek ay sina Danilo Luris y De Lara, alyas Danny, 44-anyos, may live-in partner ng Barangay Concepcion, Cabiao, Nueva Ecija; at Rocky Parojinog, alyas Rocky Mallari, nasa hustong edad, ng Barangay Imelda District, Cabanatuan City.
Sa ulat, bandang alas-9:10 ng gabi nang magsagawa ng buy-bust operation ang pulisya sa Barangay Concepcion na humantong sa pagkasawi ni Luris nang ito umano ay manlaban.
Ganito din ang sinapit ni Parojinog makaraang manlaban umano ito sa kamay ng sanib-puwersa ng drug enforcement team ng Cabanatuan City PNP at mga tauhan ng Philippine Drug Enforcement Agency (PDEA) sa isinagawang buy-bust operation, bandang alas-11:45 ng gabi sa Purok Amihan, Barangay Barrera, Cabanatuan City.
Nakarekober ang pulisya ng 2 caliber .38 pistol, 2 piraso ng marked money na P500 bill, mga aluminum foil, at 9 na piraso ng plastic sachet ng hinihinalang shabu.
- Latest
