2 ‘tulak’ bulagta sa buy-bust

MANILA, Philippines — Dalawang pinaghihinalaang notoryus na drug pusher ang napaslang matapos na mauwi sa engkuwentro ang isinagawang buy-bust operation ng mga awtoridad sa magkahiwalay na operasyon sa Laguna nitong Sabado. Sa report ni Laguna Provincial Police Office (PPO) Director P/Col. Eleazar Matta, unang napatay ang suspek na si Baltazar Lagunoy, nasa drug watchlist ng San Pedro Police, bandang alas-4 ng madaling araw sa Brgy. San Antonio, San Pedro ng lalawigang ito. Nagbabagsak umano ng shabu si Lagunoy sa San Pedro gamit ang kanyang tricycle. Samantala, napaslang din ang isa pang umano’y drug peddler na si Ronnie Caagbay sa operasyon sa Calamba City matapos na umano’y manlaban sa mga operatiba.