Trike sinuwag ng trak, swak sa bangin!
TUGUEGARAO CITY, Cagayan, Philippines — Anim na katao ang nasa kritikal na kondisyon matapos na banggain ng truck ang sinasakyang tricycle sanhi upang mahulog sa bangin sa bulubunduking highway ng Barangay Leaño, Claveria, Cagayan noong Lunes.
Sa report, nawalan ng kontrol si Jayson Agustin, 33, sa minamanehong trak na may kargang animal feeds nang hindi kumagat ang preno nito sa pabulusok na kalsada at binangga ang sinusundang traysikel ni Vicente Tabieros, 42, dakong alas-5:30 ng hapon.
Bunga ng pangyayari, malubhang nasugatan sina Tabieros, mga pasahero nitong estudyanteng mag-utol na sina Dulce, 15, at Christine Valenzuela, 13, gayundin si Agustin at pahinanteng sina Richard Tabor, 43, at Joshua
Ignacio, 23.
Isinugod ng mga sumaklolo ang mga biktima sa Northern Cagayan District Hospital sa Sanchez Mira at kalaunan ay inilipat sa Don Mariano Marcos
Memorial Hospital sa Batac City, Ilocos Norte dahil sa maselan nilang kalagayan.
- Latest
