5 ‘tulak’ todas sa drug ops!
MANILA, Philippines — Limang pinaghihinalaang notoryus na drug pusher ang napaslang sa magkakahiwalay na buy-bust operation na nauwi sa shootout sa Laguna, Batangas at Bicol Region, inulat kahapon.
Sa report ng Laguna Police, dakong alas-11:45 ng gabi nang kumasa sa anti-drug ope-ratives ng Calamba City Police ang drug suspect na si Ramon Awitan na ikinasawi nito sa operasyon sa Brgy. Majada ng lungsod.
Ayon kay Laguna Police Office Director P/Sr. Supt. Eleazar Matta, ang suspek ay sangkot sa serye ng robbery-holdap, drug pushing at akyat-bahay.
Inireport naman ng Calabarzon Police, dakong alas-2 ng madaling araw nitong Lunes nang kumasa at masawi sa buy-bust sa Brgy Wawa, Batangas City ang mga suspek na sina Francis Asihan at John Carlo Bagon; pawang nasa drug watchlist. Samantalang dakong alas-2:30 ng madaling araw nang kumasa at mapatay sa buy-bust sina Fernando Luzong Jr., 35, sa Brgy. Calinaan, Talisay, Camarines Norte. Samantala, alas-11:58 ng gabi nang mapatay ang nanlabang drug pusher na si Ronnie Labarro sa mga pulis sa Brgy. Poblacion, Vinzons, Camarines Norte.
- Latest