2 bagitong parak inambus: 1 patay!
NORTH COTABATO , Philippines — Patay na nang makarating sa ospital ang isang bagitong pulis habang malubhang nasugatan ang angkas na kabaro makaraan silang sundan at pagbabarilin ng riding-in-tandem sa Yapsy Street, Brgy. Rosary Heights 10, Cotabato City, Linggo ng gabi.
Nagtamo ng mara-ming tama ng bala sa katawan ang biktima na si PO1 Ali Bago Mama, may asawa, ng Brgy. Sinulakay, President Quirino, Sultan Kudarat na kanyang ikinasawi habang nasa maselang kondisyon ang kasamang si PO1 Jolace Alim Guiamad, 26, may asawa, ng taga-Datu Paglas, Maguindanao at kapwa naka-destino sa Cotabato Mobile Force Company ng lungsod.
Sa imbestigasyon, pasado alas-6:00 ng gabi habang sakay ng motorsiklo ang dalawang pulis nang biglang dikitan ng nakasunod na mga suspek na magkaangkas sa motorsiklo at saka sila pinagbabaril.
- Latest