Salon sinuwag ng SUV: Nagpapagandang misis patay!
MANILA, Philippines — Patay ang isang misis na nagpapaayos para sa kanilang Valentine’s date ng kanyang mister makaraang suwagin ng isang SUV ang isang beauty salon sa trahedya kamakalawa sa General Santos City.
Kinilala ang biktima na si Fiesta Mae Cedeño, 30-taong gulang na nagtamo ng malalalim na sugat sa katawan na siyang kumitil sa buhay nito.
Sa ulat ng General Santos City Police Traffic Management Unit, pasado alas-4 ng hapon nang maganap ang insidente habang ang ginang ay nagpapaayos sa salon sa kahabaan ng Dacera Avenue ng lungsod.
Kasalukuyang minamaneho ng estudyanteng si Alaica Grajan, 18-anyos ang nasabing kulay puting SUV nang mawalan ng kontrol sa manibela matapos itong bumangga sa isang pickup truck.
Sa lakas ng pagkakabangga, sinuwag ng nasabing SUV ang naturang salon kung saan nasapol si Cedeño habang nagpapaganda.
- Latest