81 pares nagpalitan ng ‘I do’ sa mass wedding
Victor Martin (Pilipino Star Ngayon) - February 13, 2019 - 12:00am

Handog sa Araw ng mga Puso

SANTIAGO CITY, Isabela  , Philippines  —  Umabot sa 81 pares ang sabay-sabay na tumanggap ng matrimonya sa isinagawang “mass wedding” sa Cauayan, City sa lalawigang ito, dalawang araw bago iselebra ang Araw ng mga Puso.

Ayon kay Mayor Ber­nard Dy, ang mga magpa-partner na nag-isang dibdib ay bahagi ng taunang  “Kasalan ng Bayan” na isinasagawa tuwing buwan ng Peb­rero para mabigyan ng libreng kasal ang mga magkasintahan na walang sapat na pondo at gustong lumagay sa tahimik.

Kinilala ni Nerissa Ser­rano, hepe ng Civil Registrar ng Cauayan ang mga pinakamatandang ikinasal na sina Arlene Garcia at Danilo Bite, kapwa 49-anyos at residente ng Brgy. Buena Suerte habang ang pinakabata ay mga nasa edad 18 na magkasintahan.

Ayon pa kay Dy, bu­maba ang bilang ng mga magkasintahan na nagpakasal ngayong taon kumpara noong 2018 na umabot sa 133 couple.

Nagsilbi naman na Ninong sa lahat ang mga ikinasal sina Faustino “Inno” Dy, ang National President ng Liga ng mga Barangay sa Pilipinas kabilang na rin ang mga miyembro ng Cauayan City Council at iba pang opisyales ng lungsod.

Naglaan din ang city government ng salu-salo bilang handa ng mga bagong kasal.  

ARAW NG MGA PUSO MASS WEDDING
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with