Dalagita nilasing bago i-gang rape
TUGUEGARAO CITY, Cagayan, Philippines — Wasak ang puri at kinabukasan ng isang 15-anyos na dalagita matapos lasingin at halinhinang gahasain ng tatlong magbabarkada sa Brgy. Quezon, Nueva Vizcaya kamakalawa.
Itinago ng pulisya sa pangalang “Quirina” ang biktima habang agad dinakip ang mga suspek na sina Mark Dominic Somera, 20; Rubenson Salvador, 21, at Aric Kaye Ofquiria, 21. Sa ulat, inanyayahan umano ng mga suspek ang si Quirina na makipag-inuman sa bahay ni Ofquiria dakong alas-10:00 ng gabi.
Nang malasing ang biktima, doon na siya pinilahang gahasian ng tatlo. Nang mahimasmasan ang biktima, agad siyang nagsumbong sa sinapit nito sa mga kainuman. Dito, isa-isang dinampot ng mga pulis ang tatlo at sinampahan ng kasong kriminal.
- Latest