Bagong rehab graduate itinumba

LUCENA CITY, Philippines — Isang araw makaraang makapagtapos sa Community Rehabilitation Program (CMP), pinagbabaril hanggang sa mapatay ang isang drug personality ng riding-in-tandem kamakalawa ng hapon sa Purok Little Baguio 1, Brgy. Ibabang Dupay.

Sa ulat kay P/Supt. Reydante Ariza, chief of police rito, kinilala ang napaslang na si Banjo Adan, 39, may live-in partner ng nasabing barangay. Sa imbestigasyon, nakatayo ang biktima sa labas ng kanyang bahay dakong alas-5:20 ng hapon nang lapitan ng isang ‘di kilalang lalaki saka pinagbabaril.

Nang matiyak na patay na ang biktima, sumakay ang gunman sa isang motorsiklo ng kasama niyang suspek saka sila mabilis na tumakas matapos na samantalahin ang pagkakagulo ng mga residente. Inaalam pa ng pulisya ang motibo sa krimen.