67-anyos lolo lasog sa van

PAGBILAO, Quezon  , Philippines  —  Patay agad ang isang 67-anyos na lolo makaraang mabundol at masagasaan ng rumaragasang van habang tumatawid sa Maharlika Highway, Sitio Iringan, Brgy. Ibabang Palsabangon, kamakalawa ng gabi. Nagtamo ng grabeng pinsala sa ulo at katawan ang biktimang si Gaudencio Merle habang nakapiit na sa municipal jail ang tsuper ng van na si Jeorge Sabangan, 37, ng San Pedro Laguna.

Bandang alas-6:30 ng gabi habang minamaneho ni Sabangan ang Toyota Hi Ace van (VQ-9364) patungo sa Cavite nang biglang tumawid sa highway ang biktima. Dahil sa bilis ng takbo, hindi na nakapagpreno ang van at nabangga ang biktima at nasagasaan pa.