Mag-asawa tiklo sa P.6-M shabu
CAVITE , Philippines — Arestado ang isang mag-asawa na sinasabing kapwa bigtime na tulak ng droga matapos na masamsaman ng nasa mahigit P.6 milyong halaga ng shabu sa inilatag na buy-bust operation ng Dasmariñas City Police sa Brgy. San Lorenzo Ruiz, nasabing lungsod kamakalawa. Kinilala ni P/Supt Nerwin Ricohermoso, hepe ng pulisya ang mga suspek na sina Samsodeng Anggo, 24 anyos at misis nito na si Samsia, 21, kapwa ng Blk L3 Lot 17, Brgy. Emmanuel Bergado I, Dasmariñas City. Matapos ang ilang araw na surveillance laban sa mag-asawa, ikinasa ang buy-bust dakong alas-4:15 ng hapon sa lugar.
Nang magpositibo ang operasyon, dinakma ng mga operatiba ang mag-asawa at nakuha sa kanila ang dalawang piraso ng nakabuhol na plastic na naglalaman ng 90 gramong shabu na may market value na P612,000.
- Latest