Hapones, bebot tiklo sa droga
MANILA, Philippines — Kalaboso ang isang Japanese national at ang kasama nitong babae matapos masakote sa buy-bust operation na isinagawa ng mga otoridad sa Brgy. Tetuan, Zamboanga City kamakalawa ng gabi.
Kinilala ang mga suspek na sina Hiroyuki Takahashi, alyas “Otosan”, 59-anyos, may asawa, isang negosyante at naninirahan sa Divisoria sa Maynila at Mary Jane Huerto alyas “Jane”, 43, ng Brgy. Tetuan sa nasabing lungsod.
Sa ulat, dakong alas-11:05 ng gabi nang makipagtransaksyon sa mga suspek ang pulis na tumayong buyer sa Don Toribio Street. Nang magkaabutan na ng item at pera ang mga suspek at pulis, dito na agad inaresto ang dalawa. Nakumpiska sa kanila ang apat na sachet ng shabu at P200.00 marked money.
- Latest