3 ‘tulak’ tiklo sa P.4-M shabu
LUCENA CITY, Philippines — Arestado ang tatlong ‘tulak’ ng droga ng mga otoridad sa isinagawang anti-drug operation habang tinatayang aabot sa P436,084.00 halaga ng hinihinalang shabu ang nakumpiska mula sa mga ito sa Brgy. Ibabang Iyam, kahapon ng umaga.
Batay sa ulat, kinilala ang mga dinakmang suspek na sina Ricson Robles alyas “Eric”, 41; Maynard Libranda, 39; kapwa residente ng Citta Grande Subdivision, Phase 3; at Jaime Alib, 46, taga-Brgy. Guisguis, Sariaya, Quezon.
Dakong alas-8:40 ng umaga nang isagawa ng mga pulis ang buy-bust operation sa bahay ng isa sa mga suspek at doon ay nakuha ang nasa 17 plastic sachet ng shabu na tumitimbang ng 65.13 gramo, isang pirasong P1,000 na marked money at cash na P2,500.00 na hinihinalang pinagbentahan ng droga.
Nakapiit na ang mga suspek at nahaharap sa kasong paglabag sa RA 9165 o Comprehensive Dangerous Drugs Act of 2002.
- Latest