Drug suspect utas sa ambush

Dumalaw sa nakakulong na misis

LUCENA CITY  , Philippines  —   Patay ang isang drug personality na anim na buwan pa lamang na nakalalaya nang makulong matapos na tambangan at pagbabarilin ng riding-in-tandem habang sakay ng motorsiklo at binabagtas ang Dalahican Road na sakop ng Brgy. Ibabang Dupay, ng lungsod kamakalawa ng hapon.

Kinilala ni P/Supt.Reydante Ariza, chief of police dito ang napaslang na si Rodelio Gutlay, 47, may asawa ng Purok Central, Brgy. Ibabang Dupay. Kalalaya lamang nito noong Hunyo 29, sa pamamagitan ng plea bargaining matapos makulong dahil sa kasong paglabag sa Comprehensive Dangerous Drug Act.

Sa imbestigasyon, kagagaling lamang ni Gutlay sa BJMP detention cell matapos dalawin ang asawang nakapiit na si Julie dakong alas-3:40 ng hapon.

Habang minamaneho umano nito ang isang motorsiklo patungo sa kanilang bahay ay sinabayan ito ng isa pang motorsiklo lulan ang dalawang hindi kilalang lalaki at pinaulanan siya ng punglo ng caliber 9mm.