Ex-sundalo nag-amok: 1 patay, 3 sugatan!
Sa kasagsagan ng handaan sa libing
TUGUEGARAO CITY, Cagayan , Philippines — Isang obrero ang nasawi habang sugatan ang tatlo katao kabilang ang isang brgy. chairman makaraang mag-amok at mamaril ang isang lasing na retiradong sundalo sa isang handaan matapos ang libing ng kanilang kanayon sa Brgy. Paredes, Diffun, Quirino noong Linggo.
Sa report kay Chief Insp. Victoriano Yarcia Jr., hepe ng Diffun Police, walang habas na pinagbabaril ni dating Army Master Sgt. Reynaldo Radam ang lamesa ng grupo ni Brgy. Chairman Rolando Pagaduan dakong ala-1:00 ng hapon sanhi upang magsigawan at magpulasan ang mga taong kumakain na galing sa libing ng namatay nilang ka-barangay.
Dead-on-the-spot si Mateo Tadeo habang sugatan sina Pagaduan, Arnold Madia at Eduardo Elias.
Nabatid na naglasing dahil sa labis na dinamdam ng dating sundalo ang kawalan ng aksyon ng opisyal sa nangyayaring nakawan sa kanyang fishpond bago ang pananalakay.
Inaresto ng mga nagrespondeng pulis ang suspek at kinumpiska ang cal. 45 nito matapos ang insidente.
- Latest