Wanted nang-hostage todas sa mga parak

MANILA, Philippines — Patay ang isang wanted person nang mang-hostage ng isang babae at manlaban sa mga awtoridad habang isinisilbi ang warrant of arrest sa kasong theft laban sa kanya sa Purok 1-A Brgy. 23-C, Quezon Boulevard, Davao City kamakalawa.

Kinilala ng Sta. Ana Police Station ang napatay na na si Jeff Ross Villaroya Guday, 35-anyos na residente ng nasabing barangay.

Sa imbestigasyon, alas-8:30 ng gabi nitong Sabado nang magpakilala ang mga pulis na nagsilbi ng warrant laban kay Guday pero nanlaban umano ang huli dahilan para unahan nang paputukan ng mga pulis.

Nakatakbo pa umano ang suspek at kanyang hinostage ang isang Amira Pamlian dahilan para barilin ng mga operatiba ang suspek para maisalba ang biktima. Sinubukan pang isugod sa ospital ang biktima pero idineklara siyang dead-on-arrival ng mga doktor.

Sa tala, ang suspek ay nahaharap sa iba’t-ibang kaso na may kaugnayan sa illegal na droga, pagnanakaw, salisi, hold-up, akyat-bahay sa Tugbok at Toril.