Cavite encounter: 3 ‘tulak’ patay!
MANILA, Philippines — Tatlong pinaniniwalaang tulak ng droga ang napatay sa magkahiwalay na engkuwentro matapos ang isinagawang buy-bust operations kamakalawa sa Gen. Trias at Cavite City.
Kapwa patay matapos na umano’y manlaban sa mga pulis ang mga suspek na kinilalang sina John Paulo Delos Reyes alyas “PokPok”, nasa hustong gulang, residente ng Brgy. Bacao 2, Gen Trias City; John Alex Quijano at Christopher Vermudez kapwa nasa hustong gulang at residente ng Brgy. 28 Cavite City.
Sa nakalap ng pulisya, dakong alas-2:30 ng madaling-araw habang isinasagawa ng mga operatiba ng Gen. Trias Police ang buy-bust operation laban kay delos Reyes nang umano’y makatunog na pulis ang kanyang katransaksyon sanhi upang paputukan ang mga pulis na naging dahilan ng shootout at ikinabulagta nito.
Samantala, hindi pa man natatapos ang transaksyon ng posuer buyer ng Cavite City Police nang kapwa makatunog ang mga hinihinalang drug pushers na sina Quijano at Vermudez kung kaya sila nanlaban at nakipagpalitan ng putok sa kapulisan na naging dahilan ng kanilang kamatayan.
Narekober sa mga napatay na suspek ang mga baril na ginamit at di pa mabilang na timbang ng shabu.
- Latest