Nene ni-rape ng tiyuhin
ANGELES CITY, Philippines — Kalaboso ang isang tricycle driver matapos umano nitong halayin ang kanyang sariling pamangkin sa kanilang tahanan sa Brgy. Cutcut, Angeles City kamakalawa. Sa ulat kay P/Chief Insp. Fercel Delloria, Police Station 5 commander, kinilala ang suspek na si Jaguar Arceo, 34, residente sa nasabing barangay.
Ang suspek ay inireklamo ng tiyahin ng 13-anyos na biktima matapos magsumbong ang huli sa ginawang panghahalay ni Arceo. Ayon sa ulat, habang mahimbing na natutulog ang biktima at mag-isa sa kuwarto nang pasukin ng suspek at dito na sinimulan ang kanyang makamundong pagnanasa sa bata. Agad namang nadakip ang manyakis na tiyuhin at pormal na sinampahan ng kasong rape.
- Latest