Kagawad, driver todas sa ambush

NORTH COTABATO  , Philippines  —  Patay ang isang barangay kagawad at drayber nito matapos silang tambangan at pagbabarilin sa Purok San Isidro, Bagontapay, bayan ng Mlang, ng lalawigan kahapon ng hapon. Kinilala ang nasawi na sina Abdullah Anog Pananggilan, 61, kagawad ng Brgy. Gaunan, Mlang at ang driver nito na si Magid Namble Abdul, 50, residente ng Purok 3 Gaunan.

Batay sa ulat, dakong ala-1:30 ng hapon habang lulan ang mga biktima ng multicab na may plakang GSR 378 at pauwi na sa kanilang bahay nang tambangan at pagbabarilin ng mga ‘di pa kilalang salarin. Ang mga suspek ay sakay umano ng kulay itim na pick-up nang paulanan ng bala ang sasakyan ng mga biktima gamit ang M16 rifle base sa mga narekober na bala sa crime scene.