10-anyos tsinap-chop, kinain ng aso!

TUGUEGARAO CITY, Cagayan  , Philippines  —  Kalunos-lunos ang sinapit ng isang 10-anyos na Grade 3 pupil na pinaniniwalaang pinatay matapos na matagpuang nagkalat ang hiwa-hiwalay nitong katawan at ulo habang posibleng nilapa pa ito ng mga aso sa liblib na lugar sa kabundukan ng Brgy. San Fabian, Kayapa, Nueva Viscaya noong Linggo. Sa report ng pulisya, ang bahagi ng naagnas na katawan ng batang biktimang si Clifford Nginsayan,  mag-aaral ng San Fabian Elementary School ay may palatandaang tinortyur at natagpuan sa paanan ng bundok may 50 metro ang layo sa kanyang paaralan. Ang mga labi ay nadiskubre ni Quinto Baslagan, 47, dahil sa umalingasaw ang masansang na amoy nito dakong alas-2:00 ng hapon. Ayon sa report, ang bata ay unang inireport na nawawala pa noong Nobyembre15.Tinitingnan din ang anggulo na posibleng kinain at ikinalat ang mga bahagi ng katawan ng bata ng mga asong ligaw sa lugar.