2 trike driver dedo sa pamamaril

CAMP NAKAR, LUCENA CITY, Philippines — Kapwa sabog ang ulo at namatay noon din ang dalawang tricycle driver makaraang barilin ng ‘di pa natutukoy na mga salarin sa magkahiwalay na bayan, kamakalawa ayon sa ulat ng Quezon Police Provincial Office (QPPO).

Base sa ulat, naitala ang unang insidente dakong alas-10:25 ng umaga sa Barangay Mangilag Sur, Candelaria, Quezon. Bahagyang itinigil umano ni Dennis Garcia, 3, ng Brgy. Poblacion ang kanyang minamanehong tricycle sa barangay road na malapit sa bypass road nang lapitan ng hindi nakilalang lalaki at pinagbabaril sa ulo at katawan saka naglakad lamang na tumakas.

Samantala, nagkakape lamang sa panulukan ng Evangelista at Merchan Sts., Brgy. 6, Lucena City, dakong ala-1:30 ng madaling araw si Edgardo Quisao, alyas ‘Eddieboy’, 47, nang pagbabarilin ng hindi nakilalang lalaki. Patuloy ang malalimang imbestigasyon ng pulisya sa naturang pamamaslang.