Motorsiklo sinuwag ng trak: 3 patay
MANILA, Philippines — Tatlong motorcycle riders na walang suot na helmet ang nasawi makaraang aksidenteng suwagin ng isang truck ang kanilang sinasakyang motorsiklo at magulungan pa sa Brgy. Bugayong, Binalonan, Pangasinan kamakalawa ng gabi.
Inaalam pa ang pagkakakilanlan ng nasawing driver ng Rusi motorcycle at dalawa nitong backriders na pawang dead-on-the spot sa lugar.
Sa ulat ng Pangasinan Police, bandang alas-11:50 ng gabi habang magkakaangkas ang mga bikima at binabagtas ang national highway na bahagi ng Aloragat Bridge sa naturang lugar nang mabangga sila ng paparating na Isuzu forward reefer van truck (RKR-232) na minamaneho ni Glorioso Tobias, 42-anyos. Masyado umanong mabilis ang takbo ng motorsiklo na sinakop ang kabilang linya sanhi upang masalpok ng truck.
Sa lakas ng salpukan, tumilapon ang tatlo na nagulungan pa ng trak at nabagok ang kanilang ulo sa matigas na bahagi ng nasabing tulay.
- Latest