Mag-asawa natusta sa sunog
MANILA, Philippines — Malagim ang sinapit na kamatayan ng isang mag-asawang matanda makaraang makulong ng apoy sa loob ng nasusunog nilang tahanan sa Brgy. Tambac, Dasol, Pangasinan kamakalawa ng umaga.
Kinilala ang mga nasawi na sina Andres Montero, 67-anyos at misis nitong si Anita, 65.
Sa repot, dakong alas-4 ng hapon nang tupukin ng apoy ang bahay ng mag-asawa sa Sitio Lye-ew, Brgy. Tambac.
Ayon kay Brgy. Kagawad Joseph Vidal, pawang halos hindi na makilala sanhi ng grabeng pagkasunog ng katawan ang mga biktima nang marekober ang kanilang katawan.
Sinabi ni Fire Officer 1 Mark Mendoza ng Dasol Municipal Fire Station, ang sunog ay nagsimula sa natumbang gasera na napabayaan ng mag-asawa. Mabilis na kumalat ang apoy dahil may mga pinatuyong dahon dito ng inaning palay ng mag-asawa at ang kanilang bahay ay gawa sa mahihinang materyales.
- Latest
