1 pang bangkay narekober sa Natonin, 10 pa missing
NATONIN, Mountain Province , Philippines — Matapos ang 9 na araw na search and retrieval operation ng mga iba’t ibang rescue units ay umabot na sa 10 katao na hinihinalang natabunan ang patuloy na pinaghahanap sa kasalukuyan matapos makarekober ng isa pang bangkay kahapon.
Ayon sa Natonin command post kung saan nakabase ang mga recue personnel, sa loob ng tatlong araw simula nitong Martes ay wala umanong natagpuan sa mga nawawalang mga biktima na pinaniniwalaang tinangay ng malakas na agos ng lupa matapos lamunin ang 5 palapag na DPWH building rito dahil sa pananalasa ni bagyong Rosita.
Kahapon lamang natagpuan ng mga rescue team ang isang bangkay na kasalukuyan pang kinikilala ng kanilang kaanak.
Samantala, ipinasakamay na ni Brig. Gen. Leopoldo Imbang Jr., ang pinuno ng 503rd Infantry Brigade ng Philippine Army at lider ng rescue and retrieval operation sa provincial local government ng Mountain Province at Natonin ang pamamahala sa paghahanap sa mga nawawala.
- Latest