3 ‘tulak’ bulagta, 2 sakote sa drug ops
MANILA, Philippines — Bulagta ang tatlong sinasabing mga kilabot na ‘tulak’ ng droga habang dalawa pa ang nasakote sa magkakahiwalay na buy-bust operation sa Talisay City, Cebu, kamakalawa.
Kinilala ang mga napatay na suspek na sina Norberto Larigo, Ryan Mana-ay at Clifford Garcia Rabago.
Arestado naman ang mga drug suspek na sina Chad Paul Sta. Cruz at Robinson Adlawan.
Bandang alas-2:00 ng madaling araw nang magsagawa ng buy-bust operation ang anti-drug operatives ng Talisay Police laban sa mga drug personalities sa Brgy. Tabunoc ng lungsod laban sa mga drug pushers na sina Rabago, Mana-ay at Larigo.
Gayunman, nakatunog ang mga suspek na agad nagpaputok na nauwi sa palitan ng putok sa pagitan ng magkabilang panig na ikinasawi ng mga ito.
Nakuha sa encounter site ang ilang sachet ng shabu, dalawang cal .38 revolver at isang cal. 45 pistol.
Samantalang bago ito ay nagsagawa ng buy-bust operation ang mga operatiba sa Brgy. Lagtang ng lungsod na nagresulta sa pagkakaaresto kina Adlawan at Sta Cruz.
- Latest