Lady trader ng alahas, itinumba

MANILA, Philippines — Patay ang isang babaeng negosyante ng mga gold jewelry matapos na pagbabarilin ng dalawang hindi pa nakikilalang suspect na sakay ng motorsiklo kahapon ng hapon sa Brgy. Tukanalipao, Mamasapano, Maguin­danao.  

Kinilala ng Mamasapano Police ang biktima na si Mariam Uy Acob, nasa tamang edad at residente rin sa lugar.        

Sa inisyal na ulat ng pulisya, pasado alas-3 ng hapon habang sakay ng tricycle ang biktima at papauwi na sana sa kanilang bahay nang pagbabarilin ng gunman.  

Bagaman naisugod pa sa IPHO Maguindanao ang biktima, idineklara siyang dead-on-arrival dahil sa apat na tama ng bala sa ka­tawan.  

Patuloy ang ginagawang imbestigasyon ng pulisya at inaalam kung ano ang motibo ng mga suspect sa pamamaslang.