Kasambahay tinodas ng tandem
MANILA, Philippines — Isang kasambahay ang nasawi nang ratratin ng punglo ng ‘di pa natutukoy na armadong riding-in-tandem habang papasok ng kanilang tahanan sa Brgy. Poblacion, Sto. Niño, South Cotabato, kamakalawa ng umaga.
Sanhi ng mga tinamong tama ng bala sa kaliwang sentido at baywang, hindi na umabot pang buhay sa pagamutan ang biktimang si Meriam Mallorca, 42, may asawa.
Sa ulat ng Sto. Nino PNP, dakong alas-11:20 ng tanghali habang papasok sa kanilang bahay sa Purok Mercado sa naturang lugar ang biktima nang biglang dumating ang mga salarin at walang sabi-sabing pinagbabaril si Mallorca hanggang sa duguang bumulagta.
Mabilis na tumakas ang mga suspek habang isinugod naman sa ospital ang biktima kung saan idineklarang dead-on-arrival. Inaalam pa ng pulisya ang motibo sa pamamaslang.
- Latest
