Kagawad hulog sa bangin, patay
MANILA, Philippines — Kalunus-lunos na kamatayan ang sinapit ng isang barangay kagawad na nagkalsug-lasog ang katawan nang aksidenteng mahulog sa isang malalim at mabatong bangin sa Brgy. Balok, Katipunan, Zamboanga del Norte kamakalawa.
Kinilala ni Chief Inspector Helen Galvez, spokesperson ng Police Regional Office (PRO)-9 ang nasawi na si Brgy. Councilor Rolan Lumon, 31, na nagtamo ng malalalim na sugat sa iba’t-ibang bahagi ng katawan sanhi ng matatalim na bato nang bumagsak sa tinatayang 130-150 metrong lalim na bangin.
Nauna rito, nagtungo sa ilog ang biktima at bayaw nitong si Sannyboy Sumampon para mangisda nang mawalan ng balanse ang kagawad sa pagtayo nito sa ituktok ng bangin.
Narekober ng mga rescuers ang bangkay ng biktima sa mabatong bahagi sa ibaba ng bangin. (trainee Hermie Rivera)
- Latest
