Nag-amok sa convenience store, bulagta sa sekyu
TUGUEGARAO CITY, Cagayan , Philippines — Isang mister ang tumimbuwang matapos siyang barilin ng security guard sa binabantayang convinience store sa Km 6, Poblacion, La Trinidad, Benguet kamakalawa. Kinilala ng pulisya ang napatay na si John Paul Sallaya, nasa hustong gulang habang agad namang sumuko sa otoridad ang sekyu na si Mark Pajarillo, 22. Lumalabas sa imbestigasyon na inawat at pinauwi ni Pajarillo si Sallaya na bigla na lamang nagwala at binasag ang boteng ininuman ng serbesa sa sangay ng 7-Eleven convenience store dakong alas-2:30 ng madaling araw.
Ayon sa report, umuwi si Sallaya subalit nagbalik na may dala nang gulok at saka pinaghahabol ang iba pang parokyano ng tindahan kung kaya binaril na siya ng nakatalagang guwardya.
- Latest