Bigtime na ‘tulak’ tiklo sa P4.4-M shabu
CAVITE , Philippines — Arestado ang isang vendor na kilalang bigtime na tulak ng droga sa kanilang lugar at nakuhanan ng may mahigit sa P4 milyong halaga ng shabu sa isinagawang buy-bust operation ng Dasmariñas Police sa Brgy. San Jose, Dasmariñas City kahapon ng madaling-araw.
Kinilala ni P/Supt. Alvin Ruby Consolacion, hepe ng Dasmariñas City Police, ang suspek na si Bokhari Hajisaman Mapandi alyas Bilog, 24-anyos at residente ng Blk. 1, Lt. 62, Satellite Homes 2, Brgy. San Jose Dasmariñas City.
Sa ulat ng pulisya, ala-1:00 ng madaling araw nang ikasa ng mga operatiba ng CDEU, kasama ang PDEA ang buy-bust operation sa Satellite Homes 2 Subd., Brgy., San Jose kung saan isang pulis ang nagpanggap na buyer at nakipag-deal sa suspek.
Matapos ang bentahan, rito na dinakma ang suspek ng mga pulis at nakuha dito ang 6 na sachet ng 660 gramo ng shabu na tinatayang nagkakahalaga ng P4,488,000, isang digital weighing scale at P5,000 marked money.
- Latest
