Kawani ng PhlPost, 1 pa dedo sa tandem
NUEVA ECIJA , Philippines — Kapwa nasawi ang empleyado ng Philippine Postal Office (PhlPost) at isang ahente ng lupa makaraang pagbabarilin ng riding-in-tandem sa Barangay Calipahan, Talavera sa kasagsagan ng malakas na ulan dulot ng Habagat noong Linggo ng hapon.
Ayon sa Talavera Police, sakay ng motorized tricycle ang dalawang biktima na nakilalang sina Arnold Castillo, empleyado ng PhlPost, may-asawa ng Brgy. Sicsican, Talavera at Hermogenes Flores, isang real estate agent, may-asawa ng Brgy. San Pascual, Talavera.
Sa imbestigasyon, habang sakay ang dalawang biktima ng tricycle na may plakang OI-4835, nang sila ay pagbabarilin ng dalawang lalaking suspek na lulan naman ng hindi naplakahang motorsiklo na nasa kanilang likuran.
Matapos na mapuruhan ang mga biktima, agad na tumakas ang dalawang suspek.
- Latest
