14-anyos PWD hulog sa irigasyon
NUEVA ECIJA , Philippines — Pinaniniwalaang nalunod ang isang 14-anyos na binatilyong PWD (person with disability) makaraang tangayin ng malakas na agos ng tubig nang mahulog sa isang irigasyon sa Barangay Sinasajan, Peñaranda, lalawigang ito, iniulat kahapon.
Nagsasagawa ng rescue at retrieval operation ang MDRRMC para sa nawawalang biktima na nakilalang si Alfred Madrid, isang deaf-mute ng naturang lugar.
Nabatid na alas-6:40 ng gabi noong Linggo nang mahulog at tangayin umano ng tubig si Madrid.
Ayon sa isang Bantay-Bayan member, ang biktima ay huling nakitang buhay dakong alas-2 ng hapon habang naglalakad sa ibabaw na bahagi ng nasabing irigasyon na tila may hinahanap.
Dahil sa walang tigil na pag-ulan, naging madulas ang konkretong ibabaw ng irigasyon sanhi upang madulas at mahulog sa tubig ang biktima at anurin umano ng malakas na agos ng tubig.
- Latest