81-anyos lola kinatay ng adik na apo, tiyuhin inutas din
TUGUEGARAO CITY, Cagayan , Philippines — Brutal na kinatay ng isang pinaniniwalaang lango sa drogang mister ang sariling 81-anyos na lola at tiyuhin sa nangyaring insidente ng pagnanakaw sa kanilang bahay sa Barangay Bessang, Burgos Ilocos Sur noong Huwebes. ?
Sa report kay Sr. Insp. Leonilo Ancheta, hepe ng Burgos Police, natagpuang naliligo sa sariling dugo ang lolang si Inecita Defiesta at anak na si Cesar Defiesta, 52, dakong alas-7:30 ng umaga ng kanilang kaanak na si Roger Defiesta, 49. ?
Ang suspek na nadakip sa isang follow-up operation ay ang apo ng matanda na si Alvin Defiesta, 19, na hawak pa ang duguang kutsilyo na ginamit sa pamamaslang.?
Ayon kay Ancheta, nakuha rin sa nakababatang Defiesta ang P4,000 na pinaniniwalaang kinulimbat nito sa mga biktima. ?
Nabatid na may rekord ng paggamit ng droga ang suspek sa San Fernando City, La Union kung saan siya nanggaling bago inampon ng kanyang lola.
- Latest