18-anyos misis ginahasa, pinatay
Itinapon sa bakanteng lote
MANILA, Philippines — Karumal-dumal ang sinapit na kamatayan ng isang 18-anyos na misis matapos na halayin at paslangin ng hindi nakikilalang salarin sa isang bakanteng lote malapit sa bodega ng isang supermarket sa Sta. Catalina, Zamboanga Sibugay kamakalawa.
Kinilala ni Chief Inspector Helen Galvez, spokesperson ng Police Regional Office (PRO) 9 ang biktima na si Nursia Taala, may asawa, residente ng Brgy. Sta Catalina ng nasabing lalawigan.
Bandang alas-8:20 ng umaga kamakalawa nang madiskubre ang bangkay ng ginang sa isang bakanteng lote sa tabi ng bodega ng Shop–O Rama sa nasabing lugar.
Ang bangkay ng biktima ay walang saplot sa katawan, nakabuka ang mga hita at duguan ang ari na indikasyong hinalay nang matagpuan sa lugar. Samantala, may mga bakas din ng kamay sa leeg nito na palantandaang pinaslang siya sa sakal ng ‘di kilalang suspek.
- Latest