Mag-utol todas sa landslide
MANILA, Philippines — Nalibing nang buhay ang magkapatid na bata matapos na matabunan ng lupa ang kanilang tahanan nang gumuho ang isang bundok dahil sa patuloy na malakas na pag-uulan bunsod ng pananalasa ng habagat at bagyong Inday sa Brgy. San Franciso, Agoo, La Union nitong Biyernes ng madaling araw.
Kinilala ni Chief Inspector Bernabe Oribello, hepe ng Agoo Police ang mga nasawing biktima na sina John Jonard Dalao Galleros at Joseph, 11 taong gulang.
Sa ulat, bandang alas-4 ng madaling araw habang mahimbing na natutulog ang pamilya Galleros nang biglang gumuho ang bahagi ng bundok na tumabon sa kanilang bahay.
Samantala, narekober na ng search and retrieval team na nagresponde sa lugar kinaumagahan ang bangkay ng magkapatid matapos ang ilang oras na search and retrieval operations.
- Latest
