Ex-OFW patay sa ‘onsehan sa droga’
BULACAN , Philippines — Isang lalaki na dating overseas Filipino worker (OFW) ang nasawi matapos na mabaril ng lalaking kanyang kausap sa bisinidad ng kanyang bahay sa Brgy. Bayugo, Meycauayan City kamakalawa ng gabi. Nagtamo ng tama ng bala sa ulo at tiyan na naging sanhi ng maagang kamatayan ng biktimang si Mayo Badana, 34, ng Northville-3, Brgy. Bayugo, naturang bayan. Naaresto naman ang suspek na si Junior Buco, 32, trike driver.
Sa ulat ni PO1 John Paul Peralta base sa salaysay ng kinakasama ng biktima na si Lanie Billones, nagpunta ang suspek sa kanilang bahay saka nakipag-usap at ilang sandali pa ay nagkaroon na ng mainitang pagtatalo ang biktima at suspek. Dito na siya nakarinig ng magkasunod na putok at nang lumabas ng bahay ay nakita niya ang biktima na naliligo sa sariling dugo at tumakas ang salarin. May kinalaman umano sa bentahan ng shabu ang pinaniniwalaang naging dahilan ng pagpatay sa biktima.
- Latest