Mag-utol dedo sa ambush
MANILA, Philippines — Patay ang isang magkapatid matapos na bistayin ng bala ng hindi pa nakilalang mga armadong riding-in-tandem sa ambush sa kahabaan ng national road, Brgy. Poblacion, Cataingan, Masbate kamakalawa ng gabi.
Kinilala ang mga biktima na sina Samuel Pablo at Antonio Pablo, pawang nasa hustong gulang at mga residente ng Brgy Concepcion ng bayang ito.
Ang mga biktima ay kapwa dead-on-the-spot sa insidente matapos na magtamo ng mga tama ng bala sa iba’t-ibang bahagi ng katawan.
Sa ulat ni Police Regional Office (PRO) V Director P/ Chief Supt Arnel Escobal, bandang alas- 10:20 ng gabi habang lulan ang magkapatid ng kulay itim na Lifan 110 motorcycle patungong Brgy. Poblacion nang sundan ng dalawang suspek na magkaangkas sa motorsiklo. Pagsapit sa zigzag road sa lugar, bigla na lamang silang pinagbabaril ng mga salarin. Narekober ng mga nagrespondeng pulis sa crime scene ang mga basyo ng bala ng cal.45 pistol.
- Latest
