Konsehal utas, ex-vice mayor sugatan sa tandem
BATANGAS , Philippines — Patay ang isang konsehal ng barangay o kagawad samantalang sugatan ang dating vice mayor sa magkahiwalay na pamamaril ng riding-in-tandem suspects sa Batangas, Sabado ng gabi.
Dead on arrival sa ospital si Romel Luancing, Bgy councilor ng Bgy. Antipolo del Sur, Lipa City matapos barilin ng riding-in-tandem habang nakikipag-usap sa kapwa niya konsehal sa naturang barangay bandang alas-6:30 ng gabi.
Samantala, malubhang nasugatan si Ferdinand Ramos, 59-anyos, dating vice mayor ng Sto. Tomas Batangas nang barilin ng di kilalang mga salarin.
Sa ulat naman sa Camp Crame, pauwi na sa kanilang bahay si Ramos mula sa simbahan ng Brgy. Poblacion 2 nang tambangan ng gunman dakong alas-7:25 ng gabi. Kaagad siyang isinugod sa Saint Cabrini Hospital matapos magta mo ng sugat sa kaliwang pisngi sanhi ng tama ng bala ng baril. Lumalabas na naglakad lamang ang isang gunman ilang metro ang layo mula sa crime scene at saka sumakay sa isang motorsiklo na naghihintay sa kanya at saka mabilis na tumakas.
Si Ramos ay nagsilbing vice mayor ng Sto. Tomas, Batangas mula taong 2013 hanggang 2016 at muling tumakbo sa pagka-bise subalit natalo.
- Latest