3 kelot pinatay, ibinaon sa hukay
LEGAZPI CITY, Albay, Philippines — Tatlong lalaki na pinaniniwalaang biktima ng summary execution ang nadiskubreng nakabaon sa isang hukay at tadtad ng bala sa iba’t ibang bahagi ng kanilang katawan sa bulubunduking lugar sa Brgy. Patalunan, bayan ng Ragay sa Camarines Sur noong Sabado ng umaga.
Kinilala ang mga biktima na sina Ronil Nariz, 25 anyos; Antonio Bonagua, 19, at Roberto Nariz, 28, pawang residente ng nasabing barangay.
Sa ulat, dakong alas-9:30 ng umaga nang madiskubre ng isang residente ang nakabaong mga bangkay ng tatlong biktima na may mga sugat at pinaniniwalaang tama ng mga bala sa ibat-ibang bahagi ng katawan.
Ayon sa saksing si Ariel De Guzman, patungo sana siya sa kanyang niyugan nang makita ang bagong tinabunan na hukay. Nagtaka siya kung kaya kanya itong hinukay at laking gulat niya nang makita ang tatlong bangkay ng lalaki na nakasalansan sa mababaw na hukay. Pinaniniwalaang pinatay muna sa ibang lugar at saka doon ibinaon ang mga biktima.
- Latest