78-anyos pisak sa dyip

PADRE BURGOS, QUEZON, Philippines — Nadurog ang ulo at namatay noon din ang isang 78-anyos na lolo makaraang maipit sa mismong sinasakyang passenger jeep kamakalawa ng umaga sa Barangay San Isidro, ng bayang ito.?Kinilala ng pulisya ang biktima na si Miguelito de la Alas, ng nasabing barangay.? 

Sa imbestigasyon, dakong alas-9:00 ng umaga habang nakasakay sa unahan ng jeepney ang biktima at katabi ang anak na si Joey de las Alas, 46, na siyang nagmamaneho ng nasabing sasakyan.

Patungo na sila sa kanilang bahay nang pagsapit sa kurbadang bahagi ng kalye ay nawalan ng preno ang jeep dahilan upang mawalan ng kontrol sa manibela si Joey at tuluyang bumangga sa gilid na burol.?Nayupi ang jeep at naipit ang matandang biktima at nagmistulang kamatis na napisak ang kanyang ulo.