Tulak ng droga tinodas sa harap ng tindahan
MANILA, Philippines — Todas ang isang 37-taong gulang na lalaki na sinasabing ‘tulak’ ng droga matapos na siya ay pagbabarilin ng isang hindi pa kilalang salarin habang ang biktima ay nakatayo sa harap ng isang tindahan sa Cainta, Rizal kamakalawa ng gabi. Nagawa pang isugod sa Mission Hospital sa Pasig City ang biktimang si Eduardo Bociron, 37, ng 60 Hugo Compound, Barangay Sta. Lucia, Pasig City ngunit nasawi rin bunsod ng tama ng bala sa ulo.
Sa imbestigasyon ng Cainta Municipal Police Station, nabatid na dakong alas-6:30 ng gabi nang maganap ang insidente sa Dulong Parola, sa Barangay San Andres, sa Cainta. Nakatayo ang biktima malapit sa Yuki store nang lapitan ng naglalakad na salarin at kaagad na binaril sa ulo bago naglalakad lamang din na tumakas, patungo sa Barangay San Andres.
- Latest