Karahasan sa Panabo City pinatutuldukan
MANILA, Philippines — Nagsagawa ng kilos-protesta ang mga mamamahayag at socio-civic organization para tuligsain ang sunod-sunod na pagpatay sa Davao del Norte, kabilang na ang ginawang pananambang sa editor-publicist ng lokal na pahayagan at sa ilang political elders ng probinsya.
Sigaw ng raliyista, mabilis na solusyunan ang mga pagpatay para makamit ng pamilya ng mga biktima at kamag-anak ang katarungan at matuldukan na ang krimen.
Ang pinakahuling biktima ng karahasan ay si Dennis Denora, 67, na tinambangan ng riding-in-tandem sa Panabo City na ayon sa imbestigasyon ng pulisya ay may kinalaman sa kanyang trabaho bilang isang hard-hitting mediaman.
Nauna rito, itinumba ang konsehal ng Brgy. La Paz sa Carmen na si Santos Samoranos, 65.
Ayon sa mga nagpoprotesta, karamihan sa mga biktima ng pagpatay ay mga matatanda na walang kalaban-laban at pareho ang mga estilo ng suspek sa pamamaril at paggamit ng motorsiklo sa pagtakas.
- Latest
